男女都一試愛上的朱古力 - SENSATION Chocolat

好耐都冇寫試用啦~ 估唔到今次係 Sensation Chocolat 的 facebook Fan page 度意外得到今次的試用機會，真係要多謝佢地，因為真係好好食呀


佢地的門市就係尖沙咀加連威老道的 Gi Mall 入面，地點好方便，旺到不得了~~ 一個少少counter已經放到好多唔同的朱古力同埋朱古力成份的產品

 

有朱古力的禮盒啦、仲有好 hit 的朱古力skincare~~


當然唔少得朱古力櫃!!

係咪睇見都好想食呢~~

一齊黎睇下今次的試食品 - Berry Mix

平時見到的朱古力都啡色，今次竟然係紅色系，真係好意外，心諗 : 賣相就合格嘞，不過好唔好食架?

就係咁，我就帶住呢盒 berry mix 返去，留返 dinner 後做甜品。

放完落雪櫃之後，食之前都不忘幫佢影下寫真

Berry Mix 入面有3種唔同的口味架~ 分別係白朱古力小紅莓、紅桑莓脆脆同埋 士多啤梨脆脆
係 facebook 參加時講呢3隻都係有乳酪成份添架

 

3隻其實都好好味，一般的朱古力都係偏甜，食得多仲會覺得好"漏"，但係呢3隻就完全冇咁既感覺。
2款的脆脆就好似食緊 "勿提沙" 咁， yogurt 的酸味中和左一般朱古力的甜，我估係咁樣，所以食落去完全唔覺得"漏"，仲覺得好好味，一粒接一粒。

而白朱古力小紅莓，就用朱古力將成粒紅莓包住，紅莓的酸味同朱古力夾得好好~係夏天咁熱的日子都好岩食~~

自己黎講就最鍾意 士多啤梨脆脆，鍾意的理由好無聊，係因為入面冇士多啤梨的種子 [哈哈哈哈哈]，另外2隻呢，食完仲會食到紅莓的籽添架，不過自己一向都唔鍾意食有"渣"&有骨的食物，所以比較上冇咁鍾意 :p

唔好以為食朱古力係女孩子的專利，呢隻朱古力連男士都岩食，通常男士都唔like食甜野，呢幾隻就岩哂佢地啦，我比左一粒老公食之後，佢竟然同我爭食，最後佢仲食得多過我呀，見到佢咁鍾意食，我都覺得好開心^^

呢隻朱古力真係男女都岩，送禮自用皆宜，下次經開加連威老道，一定要再買黎食!!