美肌還原 真係只需一天?! Shiseido SUPER Corrective Serum

好榮幸地收到 Shiseido 同 theZtyle 邀請，試用新出的 Shiseido Bio-Performance
SUPER Corrective Serum，收到電話時真係開心到彈起

 

呢支就係今次的試用品 - Shiseido Bio-Performance SUPER Corrective
Serum

膠原、彈性纖維、透明質酸，瞬間重生!!! 好有神級的感覺

Shiseido
利用科研刺激皮膚入面的纖維母細胞，激發更生，唔怪得連透明質酸同膠原都搞得掂啦，纖維、膠原同透明質酸都不斷更生，真係想有紋都難啦

使用方法︰

STEP1 每天早晚潔膚及健膚後，使用乳液前使用
STEP2 先輕輕塗抹於面頰及額頭等廣泛部位
STEP3
然後由面部中央向外塗開
STEP4 細心塗於鼻子和眼周肌膚

 

睇完介紹，就黎睇真身啦

金色外表非常高貴

有埋貼紙封口

樽底亦寫明係 Made in JAPAN ，真係信心o既標誌黎架

此樽採用密封加埋 pump 裝設計，完全冇機會比細菌繁殖，夠哂衛生之餘仲好方便

唧出黎就係非常豐厚 cream
狀的精華，你地睇下，倒轉隻手指都可以完全對抗地心吸力，我都係第一次接觸呢種質感的精華素咋

第一下唧出黎真係好驚，唔講仲以為係 night cream
添呀，不過都好，岩哂我呢d乾人，就算開冷氣訓都冇有怕，第朝依然一樣咁水嫩，仲少左油光!!!

 

搽左上去之後好快吸收哂，feel
到皮膚上面多左層膜咁樣，皮膚好似有野漿住，不過過左10-15mins 後就只係剩返滑的感覺，開頭都驚會影響之後搽 面霜/ bb cream /
粉底的時候會出現擦膠碎，但原來係唔會架，真係好開心 [我最怕精華素/面霜會同 bb cream/粉底唔夾而出擦膠碎 ]

 

上圖 : before

下圖 : after

搽左一次，條頸紋真係見到有少少淡左，一個星期後再同大家報告啦

原來陳豪、碧兒同 詹sir 係呢支 serum 的代言人，多祿真係好靚仔!!

 

與 Aveda 的第一次 - Aveda Autumn/Winter Hair Show

今次真係非常非常榮幸 + 非常非常開心，可以獲得 theztyle 同埋 Aveda 邀請同其他 bloggers 一齊觀賞 Aveda 秋冬髮型匯演

好耐之前就曾經聽過 Aveda 呢個品牌，但一直都冇咩認識，今次認真地認識一 下呢個品牌︰

Aveda
在 1978 年成立，品牌希望為一眾美容從業員同顧客提供高效能及以植物為本的產品，並且以環境保護及可持續發展為原則來經營。Aveda
致力研製以植物為本的護髮、護膚、彩妝品和生活產品，並於全球 29 個國家的 Aveda Experience Centre、超過 7000 間
Salon 、Spa 及 網頁 www.aveda.com 發售。

宜家就睇下相先
今次 Hair Show 地點係尖沙咀 The Mira 宴會廳

一出門口就見到呢個牌啦，當時心情很興奮

Reception Area 有個更大的 board，仲幫 2 位 大家好熟悉的 blogger 留返個倩影

塊 board 後面就放左今次 hair show 介紹的主要用品

 Full Spectrum Deep 深色髮質高效染髮劑，一隻有 93% 植物萃取同埋話有薰衣草香味的染髮劑，咁咪唔使受阿摩尼亞之苦!!!!!!!!!!!!!!!

大會仲安排左兩個座位比來賓即席整返個靚頭，話說靚女 blogger bithia 當晚有飲宴，佢去親身感受下就最適合不過

整整下仲拎轉比我地影左張 有型相

呢支亦都係今季 Aveda 力推產品 - Control Force 強效控制定型噴霧
天然成份包括有有機亞麻子、蜀葵根、蘆薈、水解小麥蛋白、玉米及米糠，可以提供全日強效定型、阻隔紫外線、抗氧化及全日抗潮功效，非常適合香港潮濕天氣。

睇完 products 就開始睇 hair show 啦~

今次 Aveda 展示左最新秋冬創作系列︰Super Natural [ 唔係劇集黎架]

左上角就係今季的靈感來源 - 巴西 Yawanawa 部族中的女祭師所繪畫的圖畫 " Dream Paintings"

『豐盈感、複合的質感及意想不到的顏色將大行其道，今季是時候以無拘無束的自然美態作靈感泉源。』

係現場齋睇 slide 又點夠架，大會仲安排仲一班 models 黎個 catwalk，等大家可以睇真d

之後大會安排左兩位猛人為大家示範添

第一位係 Foresta Aveda Concept Salon 首席藝術總監，來自韓國的 Mr. Jung Jae Myung

Mr. Jung 係韓國擁有超過20年經驗，合作過韓國藝人有大家熟悉的 朴恩惠、金荷娜等，而佢的作品亦經常係 Vogue, ELLE, Cosmopolitan 入面出現架~

完成 第一位model 

再為第二位 model 整

三兩下手勢就已經搞掂

兩位model 一齊比大家欣賞下呢個以韓國傳統服裝為概念而設計的髮型

之後落黎就到另一位勁人為大家示範

來自香港的 Mr. Glory Chan - 都係擁有20年經驗，仲曾經係多個國際時裝品牌 eg. Salvatore Ferragamo, Marc Jacobs, BCBG 等時裝展主理髮型設計

呢個就係 Mr. Glory Chan 示範的 - 旋風頭

最後一大班 models 再次出場比大家欣賞 Aveda 最新秋冬的髮型設計同埋髮色

當然要多謝為一眾 models 設計髮型同染髮的髮型師啦

上圖︰(左起) Jeff Cheng, Glory Chan, Raymond Kong & Dave Wong

下圖︰Mr. Jung Jae Myung

辛苦哂你地啦~ 為我地帶來一個咁好既 show ~~

唔少得 Aveda 的 catalog 同今次 hair show 的介紹

Aveda 除左安排我地一班 bloggers 參與今次 hair show 之外，絕對唔係紙上談兵，仲比我地黎一個親身體驗 [ 剪染服務 ] 添架，等我體驗完之後再同大家報導。記得留意啦~~~

今次報導係咁多，又係時候訓啦，byebye

瘦身產品都要分早同晚?!

首先，多謝 theztyle 同 Slimsq2 抽中我，等我可以再次試到口服瘦身產品 [品牌商真係非常清楚我的需要 ]

瘦身 - 原來同我地搽 skincare 一樣，都可以分早晚飲食唔同的產品黎達到目標。

SlimSQ2 倍效纖 - 輕瘦飲 & 輕瘦草本
早飲晚纖5日體驗裝

對於口服產品最緊要的，當然係品質啦，4樣測試都合格，食都食得安心d

日間是卡路里同脂肪吸收的時間, 蘊含 Garcinia Cambogia 輕瘦飲能阻隔脂肪吸收及積聚，有效抑制脂肪形成，減少糖份吸收，具飽足感的輕瘦飲可以幫助控制食慾，減少脂肪吸收及形成。

呢包就係 - 輕瘦飲啦
老實講，隻顏色真係麻麻，同埋好難徹底溶解
味道 : 芒果味中夾雜住草青味

晚間是清除體內積聚以久的脂肪之黃金時間，輕瘦草本含有 Radixet Rhizoma Rhei 成份，有效把頑固脂肪先燃燒後溶解，加上輕瘦草本能刺激腸道蠕動，排走已分解的脂肪。

包裝上面清楚印上製造日期同 到期日
藥丸包裝完全冇味

試後感︰
輕瘦飲好難溶，唔夠方便，不過的確有少少飽肚感覺
食左呢5日，排便量明顯增多，輕左1磅
不過有搞肚痛感覺 [5日都係咁]，呢點就唔係太喜歡了，可能係自己腸胃比較敏感吧。

OOO~ H2O+ Collagen 真係 O 架喎

繼上次係 H2O+ 化妝班 試飲過 Collagen 8000 之後，今次終於有機會一試它的威力，到底係唔係一如 Sammi 所講 : O 喎! 呢~~



呢個咁難得既機會係由 THEZTYLE 同 H2O+ 提供

萬分感謝

呢盒就係 COLLAGEN 8000 啦 !!

上面有D字喎，ZOOM 近D 睇下先

日本醫學交流協會醫療團 "認定"

有效高度保濕，鎖緊水份，提昇肌膚彈性，美白淡斑仲話易吸收添

100ml 一支都真係幾大支

岩用人士入面 5 樣 我全部都中哂，真係想唔認老都唔得

除左有膠原蛋白之後仲有軟骨素添，真係岩哂我呢個半熟女

幾時都飲得，夠哂方便。上次去 又一城間 H2O+ 做 facial 個 ba 建議我 朝早空肚飲，話會吸收d

每盒都封得好好，唔怕比人開過

登登登櫈...................................十個小朋友乖乖地排好哂位

等我捉一個出黎睇下先

呢個小朋友都幾大隻，肥o都o都咁

MADE IN JAPAN 從來都係信心保証

開支黎比大家睇下先

冇得扮未開黎飲的樽蓋

入面收埋左8000個膠原蛋白仔仔

倒出黎的顏色同質感好似 "杰"左少少的蘋果汁 ，但味道就似 桃味，唔似藥水味，亦都唔係 "超好飲"，普普通通 6-70分咁既味

飲後感 :

20日的時間，其實對於口服的產品黎講真係唔係太夠，效果唔係話好突出，不過係呢20日裡面，我真係 feel 到皮膚冇之前咁乾，點解會知呢?

一向我都係果種一洗完面就要即刻搽野保濕 [爽膚水+精華+乳液搽哂]，但近呢一個星期，沖完涼出黎我可以忍到我吹完頭先搽爽膚水，搽完爽膚水仲差d唔記得搽精華同乳液添 [冇轉過 skincare 產品]。

美白淡斑雖然係呢 20日未見到，不過剩係 "高效保濕" 呢樣改變已經令我好滿意，原來口服膠原蛋白真係 O 架喎，大家都一齊黎 O 啦