減肥呢樣野真係女人的終生事業，肥左好多的我….當然要不斷搵方法減，我都知你實係叫我做運動架啦，做運動減到就係人都知，奈何我真係唔想郁，對於鍾意係屋企睇電視同對住電腦的宅女，又點會出街做運動呢，有冇方法可以唔做運動都瘦先
PR今次就比左隻產品我試下，又睇下呢隻產品幫唔幫到手!
今次要試的係 法國OxyFit帶氧耗脂片，佢盒上面印住大大隻的 “帶氧胃水球”，唔知大家有冇聽聞過咩野係胃水球，我簡單地講少少啦，胃水球其實係for一班痴肥的病人的減肥手術，用開刀方法放個特製水球係胃入面，令到有飽肚感，手術後病人自然比之前食少左野，就會慢慢瘦返!
但要開刀的關係，醫生們係唔會立亂同病人做，因為放水球入去要開刀，到你瘦返之後，要羅返個水球出黎時亦都要開刀，未必人人承受到手術的風險。
咁呢隻產品又點做到胃水球原理呢
原來一粒 OxyFit 入面的主要成份有 :
Apple Pectins 蘋果膠
蘋果果膠含有豐富水溶性膳食纖維，在胃部與水份混合時便會形成3D立體凝膠，製造飽肚感，減少進食，同時幫助腸道蠕動，改善便秘狀況和使腸道更為健康
Cider Vinegar 蘋果醋
蘋果醋營養豐富，含有維他命、礦物質 (磷和鉀) 及酵素。鉀能夠滋潤細胞及平衡鈉含量，排走積存於細胞中多餘水份。蘋果醋的酸性成份具殺菌功效，能清洗消化道，有助排除關節、血管及器官的毒素。
睇左咁多字，一定覺得好 dry 架啦! 睇相吧啦
我都知你睇唔到 d字架啦，睇下一張啦
法國人減肥法 : 唔辛苦、有效勁減! 係咪真架?
清楚印明批號同食用期限，大家睇唔睇到呢，Made In FRANCE!! 原來係法國造，信心即時大增! 話說，係巴黎街頭見到的法妹，個個都又瘦又高架!
睇完外面，開始睇主菜啦~~~~
一筒筒咁有冇d 親切感
除左個盒上面有印到食用限期之外，仲係每一筒的筒底都印上一樣的資料，咁你掉左個盒都唔怕啦~~
頭先講起的親切感，就係......你覺得佢似唔似我地小時候飲的 "康 x C" 呀
一打開聞到一陣蘋果味
唔講咁多，飲左先!
同 "康 x C" 一樣，掉佢落杯水度就會見到佢係咁標d 泡泡出黎，見到粒丸丸溶哂就飲得。係度提提大家，千祈唔好用熱水黎沖呀，PR同盒上都寫明係"冷水"，大家就係乖乖地聽話，我每次都係用室溫水沖 [即係唔凍唔熱]，聞落同飲落去都係有少少蘋果味，顏色就有少少似街上面買到的蘋果汁，味道真係幾好。
老實d講，我覺得 "3D立體凝膠" 有點誇張 [去左胃度都唔知係咪真係 "3D" ]，但飽肚感又真係有既，排水功能我都 feel 到有，哈哈因為飲完一杯冇耐就要上廁所放水了。
剛剛開始飲 Oxyfit 的頭一日，lunch 前飲，到下午茶時段有少少肚痛而上廁所排毒，可能身體未習慣當中的醋，所以往後幾日，我都唔敢飲太多，只係 lunch time 飲一次 [1粒份量]。
到第3日，身體習慣左，冇肚痛的感覺，就係 lunch time 試飲 2 粒 ，開頭都驚飲2粒會肚痛，點知又冇，lunch 份量少左，飽肚感可以 keep 到夜晚 8, 9點。有d產品雖然有飽肚感，但都會聽到自己肚餓的咕咕聲，Oxyfit呢隻就冇，好自然冇咁快餓又唔會咕咕聲。
試左2個星期，成績....真係好對唔住，冇瘦到又冇肥到，拿....瘦唔到唔關 Oxyfit事，係我公司的高層太好人，呢2星期日日輪住黎萬歲，日日都請大家食 cake! 需知道辦公室裡面高層請食野而你唔食，係好唔比面的事，我就唯有幾飽都好，都照塞件 cake 落肚。
狂食 2星期 cake 之後冇肥左，唔通係 Oxyfit 暗地裡做緊野? 我覺得係! 你覺得呢?
ps. 高層佢地岩岩又叫左人去買 cake 了 u_u
