樂敦 Promedial 乾燥性敏感肌護理系列發佈會及試用文

今次要介紹的 Promedial 係日本學敦特別為敏感性皮膚而設，由於係新品牌開係，品牌商特別搞左個盛大的發佈會，小妹有幸參與其中，比大家睇下當時情況吧

今次的發佈會特別包起左一間係時代廣場13樓的日本餐廳 - 山葵 舉行，接待處擺放左 Promedial 整個系列，餐廳的裝修都好靚架~

坐低就見到大會擺放左3支 Promedial 的產品 [ lotion, milk & sun block] 供各位 blogger 試用

各位都會得到一個 Promedial cupcake 一個同埋一袋4支的 Promedial 產品返去試用

冇幾耐，發佈會正式開始

由 Promedial 的職員為大家介紹，可惜我當時的位置唔係太理想，所以相片唔多

介紹完之後就有奉上一餐豐富的美食~~

大家食完之後，發佈會就完結

仲同另外2位blogger影相留念

個cupcake真係好靚呢，仲要係好好味，我食佢之前同佢影返張相先~

講完發佈會，係時候講返 Promedial 的產品介紹

Promedial 由樂敦製藥同日本2間大學開發出黎，算得上係醫學美容品牌

Promedial 入面2種主要成份 - 葡低聚糖 & 低分刺膠原蛋白

葡低聚糖 - 可以調節皮膚環境，令不良細菌難以生長，只留返健康細菌

低分子膠原蛋白 - 將膠原蛋白分解，變成容易被皮膚吸收的大小，有效滲透皮膚，直達真皮層

以樂敦統計，使用2星期後皮膚變得健康，減少甩皮、紅腫等皮膚敏感狀況

而作為一間知名藥廠，當然對製造產品的環境非常嚴謹啦~

所有Promedial的產品都係不經人手，全電腦、自動化生產，生產環境更有保証。Promedial 除左符合日本藥妝的標準，仲符合 美國FDA、GMP及 ISO9001 品質監控，自然用得放心。

宜家係時候介紹試用品啦

今次試用品包括 : Cleansing Liquid, Washing Foam, Moisture Lotion & Moisture Milk

Promedial 個 logo 有個十字，喻意藥妝產品

包裝盒背面有哂使用方法，唔驚唔識用~

Promedial 工廠注重衛生，而樽口亦都一樣，4支均用上 吱吱樽蓋，避免平時使用的時候被細菌接觸到未用的產品。而吱吱樽係用的時候亦都比要"拎蓋"的產品方便啦

先講洗面泡泡

泡泡非常細密，打直隻手d泡泡都唔會跌落黎，泡泡有極微薰衣草味，好relax~

洗完面過水後，皮膚完全唔乾

Cleansing Liquid - 透明乳液狀，同洗面泡泡一樣，有輕微薰衣草味 [超愛] ，落妝液會將化妝品先溶解後浮起，然後帶走，用後皮膚乾淨又唔乾，就算閃粉眼影都落得一乾二淨

Moisture Lotion - 水狀質地，無色無味，使用後皮膚潤澤

Moisture Milk - 乳白色液狀質地，輕柔水嫩，用後皮膚軟滑

[因為水油測試機壞左，只可以用文字表達]

總結:

用左之後，皮膚唔再紅卜卜，甩皮情況都大大改善，皮膚亦比之前有彈性。試用的早期，天氣未乾燥，4支一齊用就有d lup。

不過到後期，天氣突然乾燥
[4-60%濕度]，以我本身乾性皮膚只用 moisture milk 又有d不足，我諗我要用埋 cream
先得，反而混合性/油性皮膚係乾燥時候用milk  應該足夠。

好想試埋佢個粉餅添~

亮晶晶洗頭水帶比你光澤秀髮 - DOVE 深層修護系列

首先多謝 THEZTYLE 同埋 DOVE 先啦~

除左多謝佢地抽中我試用之外，仲係多謝送左一頭光澤秀髮比我添~

就係呢套 Dove Damage Therapy Intensive Repair
系列洗頭水同護髮素

收到呢套產品的時候，已經覺得超香!!!!!

唔使開蓋，就咁放係袋都成個袋香哂~~~ 未真正用就已經對佢印象唔錯~

自己本身係油性頭皮，但頭髮就乾旱開叉，用護髮素時候會唔落頭皮~

左: 洗頭水  右: 護髮素

揭蓋又夠方便，開口唔會太大，一開已經有一大陣香味湧出黎

上: 閃閃令的洗頭水   下: 乳酪狀的護髮素

嘩.....一倒洗頭水出黎果下真係 surprise !! 可能係我 out 都唔定，但我真係未見過 閃令令亮晶晶
洗頭水喎!! 倒出黎見到咁鬼閃，係咁掛住望，都冇要黎洗頭，我望夠先洗~

 

點解呢隻洗頭水會咁既呢~~~
原來，呢套升級版系列裡面有纖維修護因子、微分子保濕精華，可以追蹤到時鎖緊受損的髮絲蛋白配合埋保濕精華，由髮樓到髮尾都鎖緊養份，令頭髮回復健康亮澤。

 

↓↓↓ 你睇下用果時幾多泡泡，泡沫咁多，咁洗頭既時候就唔會過份用力，對頭皮都好d~
洗完未乾都已經見到有光澤啦

乾左之後，亦都可以減少毛燥，頭髮柔順仲依然帶有香氣，自從用左
DOVE，連梳頭的時間都慳埋，因為柔順到唔洗梳都出得街啦~
超讚!!

 

大家係電視上面應該都睇過 DOVE
的廣告，我第一次睇仲覺得非常之咁有親切感，因為隻廣告歌係由音樂劇 THE SOUND OF MUSIC 入面其中一隻歌 MY FAVORITE THINGS
改編而成，又比佢改得咁岩音果下好野!!

廣告片 <~在此

歌詞:

Straighting and bleaching and dying and curling

Crimping and cutting and hair finger curling

Braiding my hair through some bright colored rings

These are a few of my favorite things

 

When the curls break

When the ends split

When my hair goes mad

I simply remember my favorite thing And then I don't feel SOOOOOOOO
BADDDD

 

為你試 Loreal 兩大新品 : 重點袪斑精華及塑顏按摩精華

先係度同 hkcosmo 講聲唔好意思，本身應該18-19號要交文，但因為臨近婚期[倒數個半月]，仲有好多details野要搞，所以到今日先交文~ 希望 hkcosmo 同 loreal 唔好介意。



先介紹第一樣新品︰Loreal White Pecfect 重點袪斑雙效精華

只需要 2 個 steps 就可以幫你擊退斑斑

相信大家係近期的電視 / 雜誌都會見到呢支新品的廣告，究竟呢支東東係點樣呢~

點樣日夜夾擊呢，原來就係將大家平時用開的去斑精華，進一步因應我地平時的需要而分開日間配方同夜間配方

Loreal 研究發現 Melanin-Vanish 呢隻袪斑亮白因子，可以減少細胞內的黑色素產生同埋減淡本身細胞內的黑色素

日間遮瑕防護 ; 夜間重點袪斑

每邊精華各有 5ml ，而且樽口好細，容易控制分量

日間 : 淺膚色乳霜，搽左之後明顯見到手背上半部分比下半部分亮白

夜間 : 乳白色乳液狀精華，搽左之後透明，兩款精華都有輕微花香味

試後感 :

日間精華以亮白效果黎遮掩黑斑，效果普通，可能我d斑太深色，所以唔多遮到

夜間精華搽左之後唔知點解會feel到有d "la"，搽左一星期，每次都係有d "la"，不過又冇紅冇敏感就由佢囉~

搽左一星期，袪斑功效.....................真係唔覺，我諗我要勤力d 搽

第2樣要試的新品就係 RevitaLift 專業塑顏按摩精華

又係近排熱推的產品，之前 loreal 的塑身產品都有一個類似的碌碌，今次直頭發展到碌上面

好想好似鞏利小姐擁有緊緻輪廓?! 就唔好錯過呢支按摩精華

一貫 RevitaLift 標誌的紅白色包裝，今次最特別就係樽上的碌碌

包裝上面有埋圖片教大家按摩同次序，記住先碌後搽就唔會錯架啦~~

呢個按摩碌碌原來有40個壓力點，碌幾下就可以幫助皮膚微循環，碌完再搽含有豐富 Pro-Retinol A成份的精華就更加吸收，緊緻效果更明顯

係3個不同的部位碌 5 下，之後就可以搽精華架啦~~~

上 : close up 個碌碌比大家睇下先，我開頭見指示話按5下，以為會好痛，所以唔按得咁多，原來一d都唔痛仲好鬼舒服

下 : 每一 次都唧出兩種精華，我用手指溝勻精華先再搽上面~

上 : before

下 : after，精華有足夠的滋潤感去滋潤我地面同頸的皮膚，潤而不膩

試後感 :

呢支精華亦都係有陣花香~ 滋潤度岩岩好~ 唔會lup住條頸

按摩碌碌好舒服，我每次都好唔聽話地碌好多下先再以抹的形式向上搽上面~

碌左一星期，自己真係覺得塊面firm左，最驚喜係連男友都出聲話覺得我塊面瘦左!!!!!!!

連日日對住的男友都覺得瘦左，我諗效果之好，真係唔使再多講

勁推!!

比張相大家參考下

塊面真係 V 左!!

韓式水感美白感覺 - Dr. Jart+ Whitening Water Drop Moisturizer

首先係度多謝 莎莎 facebook fan page 今次抽中左我去試 Dr. Jart+ 產品

其實係 Dr. Jart+ 未正式黎到香港的時候，已經用過它的產品，就係最出名的 bb cream，不過今次唔係講 bb cream，而係一眾女生都非常鍾意的美白產品 - 美白水珠保濕面霜!


先睇下 Dr. Jart+ 呢個韓國 no.1 醫學美容品牌的由來

開頭真係以為 Dr. Jart+ 只係由一個醫生研發出黎，宜家先發現原來係由 21個皮膚科醫生組成的團隊!!

呢支面霜含有納米 vitamin C、熊果素同 vitamin K ，幫助提升彈性、美白及強化皮膚。

包裝時尚簡潔

盒上有寫明使用方法，每支都係密封包裝，確保衛生

上圖一粒黃豆大女的分量已經夠哂成塊面~

搽緊的時候，本身啞白色的面霜會變成透明水珠，好神奇

before & after

試後感 :

對於乾性加缺水皮膚的我，在試用的呢段轉季或夏天用，保濕度都唔錯，我夜晚開冷氣訓，到第朝都依然keep到，冇比冷氣抽乾水份。但我諗去到冬天的時候，可能要配一支滋潤度高d既化妝水先夠。

面霜變水珠的過程好快，好滑好易推 [易推到有時我推埋落頸]，搽後真係好爽身，一d都唔lup，但塊面就好滑~~ 有時我搽左d比較 lup 的 化妝水之後我都會後加呢支面霜，原本 lup 的感覺會爽返哂!

美白方面就唔敢評論，我都係試左個零星期，暫時都冇白到，希望用哂之後有白到!

大部分的美白產品都係偏乾又或者偏 lup ，呢支真係做到唔乾.....仲要勁爽!

頭先講到話 Dr. Jart+ 未黎香港之前已經用緊的 bb cream 就係以下呢支啦

對乾皮膚的我，真係一拍即合，冬天用都冇絕對冇問題，勁正!!!!!!!!!!!!!!!!!!!!

我買果時都仲係舊版，原來宜家已經轉左新版啦，不過呢支 bb cream 又係好好推，用少少都夠搽成塊面，好鬼襟用，希望快d用完佢，可以再買新版。

AVEDA 變色龍之旅

哈哈~ 上回講過會去 AVEDA 試下個剪染服務，今次就黎講下當日既情形啦

難得地約左小黑 MI 一齊去，大家可以幫大家影相~

呢間就係 LCX 入面既 AVEDA 啦，比人一種原始、舒服的感覺

 

坐位上擺左上次 HAIR SHOW 重點推介 - CONTROL FORCE !!

接待小姐仲比左杯茶我地飲，不過....就唔多岩我地口味，杯茶好似怪怪地

小黑MI 先染後剪，我就先剪後染，比大家睇下我剪髮前，禾旱草!!

頭頂已經繳變左布丁! 髮尾開哂叉!

 

我同黑MI 其實都係非常之咁想染紫色，奈何要漂真係好傷頭髮，為免到我大婚日子當日D頭髮太旱，都係唔捨得漂，唯有揀 12B
[深色髮染出黎就係左邊的色，淺色頭髮染出黎先做到加邊個效果]

剪完就開始染啦，仲出動兩個人黎服侍我地添，好公主FEEL 呀哈哈哈哈

見唔見D染髮劑上左頭之後變左紫色，我當時真係超期待...............

SINDY : 我係咪好可愛呢 嘩哈哈

染完頭的金毛MI : 吼!!!!!!!!!!!!!!!!!!!!!!!!!!!!

 

岩岩染好的我同黑MI 互影!!!!! 影影影，今勻真係 "影你個頭"

又奈何，黑MI 個頭太金，所以佢要即刻補染

佢似唔似戴左個扮光頭的頭套 XDDDDDDDDD

係佢染緊既時間，我就吹頭啦，吹完就變成咁

終於都見返頭頂有返D光澤，望落冇咁旱啦 [後而條友吹緊頭都要 V 埋一份]

當日染完就係咁既色，隔幾日又變成點呢?!

有陽光時紅，冇陽光時啡。

整多一張大比併等大家睇下

今次試染感受︰

染前 - HAIR SHOW 度話會有薰衣草味同埋含有93%天然植物萃取成份，不傷頭髮，所以都幾期待，因為我係好LIKE
薰衣草的。

 

染緊 - 呢個 FULL SPECTRUM DEEP
標榜不含阿摩尼亞，但染的時候仍然聞到幾強烈的阿摩尼亞味

 

染後 - 染後洗頭時用的洗頭水香味好 RELAX
，染後頭髮真係比之前有光澤，之後幾日都仍然滑滑地，不傷頭髮呢個POINT真係做到~ 整體黎講不過不失。