SOTHYS 輪廓重現頸部護理及留住時光頸霜

首先，好多謝 theztyle 同 SOTHYS 揀中我，先可以試到呢個輪廓重現頸部護理同埋留住時光頸霜。

我地的頸部，從來都係最出賣年齡的部位，因為呢個部位最唔起眼，我地亦都好易忽略左佢，今次有幸可以拯救一下我條頸.....真係好開心



5月17日 Sick Leave

當日，因為扁桃腺發炎關係請左日假係屋企休息，及此之外，亦都係去 SOTHYS 做 neck treatment 的晚上，我朝早睇完醫生，見食左藥之後退左燒，5點零鐘就拖住呆呆的身軀出發去 SOTHYS 啦~

一出 lift 就見到呢個牌啦~

按門鐘之後，有位好有禮貌又眼大大的美容師開門比我，經佢自我介紹之後，知道佢叫 "Nicole"

入到去一坐低，當然就係拎相機出黎影少少相先啦~

燈光昏、環境佈置得好簡單好舒服

聽住輕柔的音樂之餘，Nicole 仲斟左杯花茶比我飲，對病病地的我，真係放鬆左唔少

飲左幾啖，Nicole 見我抖左陣，佢就話隨時可以做個 treatment

好啦~ 係時候入房啦

左圖 : 擺放左好多 SOTHYS 的產品

右圖 : treatment 時用到的產品

全部都好整潔咁擺係度

之後，Nicole 同我講一陣的 neck treatment 會接觸到肩頸位置，建議我換上一早準備好的浴袍或圍住毛巾

因為病病地的關係，都係換浴袍好d，費是再凍親啦

做treatment 前留影

訓低之後，Nicole 細心咁問個冷氣會唔會覺得凍呀、洗唔洗再加多張被等，一切準備好就開始 treatment 囉~

Nicole 係幫我清潔面部之前，有問我有冇帶化妝品，如果我冇帶化妝品而之後又出街就醜樣豬囉

又同我講個 neck treatment 做完之後會有少少紅，一切會同客人溝通好先開始

首先，落妝，之後再用 SOTHYS 潔面奶再清洗多次面部及清潔頸部

之後幫頸部和下巴位先敷 peeling mask 再敷 deep clean mask

頸部清潔好之後就搽上精華素加以按摩，按摩時真係好舒服，Sindy 我...已經接近訓著左的階段....heehee

之後再敷上一個 double mask : 補濕 + 收緊，2支一齊用功效發揮得最好架~

在等個mask 吸收期間，Sindy 已經完全熟睡了，太舒服了吧!!!

直到敷夠時間 Nicole 來叫醒我，真失禮

完成後，Nicole 同我講話我淋巴位好腫，這個當然啦，因為發炎嘛

事前唔知我病的 Nicole 一聽到即話 : 傻妹，約過第日嘛

真係好窩心，不枉我頂住辛苦都唔改期呢，改期容易，但唔想麻煩到 SOTHYS 的 Wendy，都係照去啦，果然冇去錯!!

又因為我病到矇矇下 + 未訓醒的關係，我完全唔記得左影低做完treatment 的效果 [不過我估影左都睇唔出，因為扁桃腺發炎腫哂]

唯有係文字上描述返出黎啦，只可以形容的係我呢近30年黎，從未如此柔滑過!!! 滑到離開左美容院之後都會不自覺地摸下自己條頸

離開前，Nicole 比左少少 SOTHYS 的 samples 我

同埋1支 "留住時光頸霜" 等我返去試用

先睇個開口先

開口有哂封口，確保衛生。而開口的大小偏細，容易控制份量，不至浪費

淡淡淡黃色乳霜狀的頸霜，看上去有點點豐盈感覺，實情是超快吸收及帶有一種憂憂的香氣 [有點像一個三個字的韓牌的香氣]，一邊按摩一邊享受

我相信大家都記得 Sindy 屬包包面一族 [可參照上星期關於落妝油的文章，內含照片，13/5 攝]

係17/5的 treatment 加上使用了SOTHYS 頸霜後的今日，包包面真係又再同我 say byebye

[ 素顏，請勿介意 ]

從未照顧過頸部的我，當然不會在短短2星期就會變到零頸紋，我只是搽頸霜，不是在執相嘛

但可以感覺到頸紋有輕微減淡及見到頸部連下巴的位置收緊了許多，輪廓都明顯不少，真的是太好了!!!

再來多個近鏡

兩星期就可以減淡頸紋連包包面都收緊了，夠神奇吧

不知頸霜裡有什麼成份呢

留住時光頸霜 Shaping Neck Care [$520/30ml]

成分：Mamaku精華、苦橙精華、杏仁蛋白、生物擬態胜肽、水田芥

功效：專為修護臉頰以下的肌膚而設，即時重現緊緻膚質，並具排水、通淋巴作用，

　　　以修減雙下巴，營造出瘦面效果

實驗証明：重塑輪廓達129%、改善度達154%



嘩.....排水 & 通淋巴，難怪下巴的輪廓緊緻了不少!!! 真心要講句︰減淡頸紋，真係可以留住時光，呢支頸霜堅work!!!

對 SOTHYS 不太認識的，可參考

有關SOTHYS 

SOTHYS是遠古埃及神話中一位女神的名字，她是天空繁星中最耀目的一顆星，其美貌比金星維納斯更美艷動人，不僅是凡人，連眾神也為她傾倒。她擁有賜予世人漂亮的力量，後人便以SOTHYS一詞代表「永恆美麗」。

 

1946年法國巴黎，Dr. Hotz以SOTHYS為名，創立美容品牌。除了產品創
新，SOTHYS全球首推的IT專業療程 (Institute Treatment) 亦是另一領導美容界之作。這些超卓產品有賴實驗研究所
(SOREDEC)
內一眾專業人員多年的心血和努力。此外，他們與大學及研究學院合作，不斷研發嶄新的活躍成分、技術及知識，棄用動物作成分原料，以安全、有效見稱。
SOTHYS榮獲ISO 9001/2000驗證，足見其質素備受肯定。

除了法國巴黎總部外，SOTHYS在日本的銀座及美國的第五街等亦有美容中心，足跡世界各地，就如星之女神的使命，讓「永恆美麗」力量傳遍每一個角落，繼續璀璨光芒。

SASATINNIE 電眼娃娃超鬈曲濃密睫毛液

一支好用的睫毛液，真係可以起死回生

本來死氣沉沉的樣子，搽左睫毛液之後，頓時...............精力充沛



今次幸運地抽中 SASA 的試用品 - SASATINNIE 電眼娃娃超鬈曲濃密睫毛液

產品試用由莎莎facebook fans page提供 http://www.facebook.com/sasahongkong

見到 Excellent Curling + Superior Volumizing + Long Wear & Waterproof 已經好開心了

但呢支睫毛液係咪真係可以做到佢所講的功效呢，睇埋你就知

梳形刷頭係好用，梳得 d 睫毛好平均

睇埋個效果圖

左圖︰係素眼 + 夾左睫毛，但睇得出睫毛真係....似有還冇...

中間︰搽左一層，睫毛開始出現啦

右圖︰搽左兩層，放射式睫毛黎啦!!!!!!  效果真係差很大囉

效果真係有目共睹!! 可能再上多幾層架，效果仲勁

好啦，講完咁強勁的效果呢，就講下用後感

睫毛液本身有少少味道，未至於叫"臭"味，係一種唔識形容的味道，不過搽完上眼就聞唔到

它的防水能力唔錯，持久方面都做得好好，由返工到放工到返埋屋企都仲係咁鬈曲，不過防油方面就可以再好 d

我呢d 油眼 + 內雙眼皮人士，睫毛會不斷接觸到下眼皮，所以還是會有點甩色 [不嚴重]，要靠補碎粉來避免甩色

總結︰雖然我用有少少甩色，不過它的濃密鬈曲的超卓效果足以彌補呢個少少缺點，甩色都唔理囉，最緊要擁有電眼睫毛呀嘛，呢支睫毛液真係好正，值得推介比大家

與 Shu Uemura 綠茶抗氧化潔顏油的重遇

Shu Uemura - 一向都以卸妝油由最出名。



年少的我，已經買過綠茶卸妝油用，可能當時仲年輕，皮膚油脂分泌較多同埋未好識得打理自己皮膚，對此油有點排斥，用左1個星期，成個額頭都生滿暗粒，自此....................支油.................就放埋左一邊了。

到某日，媽媽係廁所度同我講︰阿女呀，綠色果支野用哂啦喎，仲有冇呀?

我回應佢話︰咩綠色野呀

行到廁所門口，發現媽媽口中講的正是被我遺棄的 Shu Uemura 綠茶卸妝油，媽媽仲話好好用添

無奈，真係與我當時的皮膚唔夾，未可以試到佢係咪真係好用~~



數年後的今日，終於可以再比我一次機會重遇，今次希望冇問題。



上回講到，收到 Shu Uemura 的禮物包，我相信大家都好想知道入面有d咩

綠茶抗氧化潔顏油一支

比起我當年買的 packing 已經唔同左，由以前的膠盒變左紙盒，好贊成呢個做法，因為環保d嘛

盒的四周仲可以印上使用方法同成份，連入面果張介紹都慳埋，太好了

完美畫布一 set

mini size 帶去出 trip 去旅行...再唔係比化妝師帶出 job 都好方便

唔只.....仲有

一次 free facial treatment !! 因為 apm 分店內置左間 facial room !! 鬼馬呢.....佢收得好好好埋，唔講真係唔會知

我做完再report !! [我仲未去book]

好啦，戲肉黎啦

上層紫色係 gosh

下層由左起係 FASIO, MJ, SASATINNE, MAC EYE LINER + BASE , MAC BASE + NARS 眼影

粉底係 KANEBO MEDIA

畫好再等佢地乾哂就可以開始做野

臨死前影返張.....唔係....臨洗前 先岩

主角出場~~~~~~~~~~~~~ GREEN TEA

一野撻落去再摔

哈哈哈哈.....勁污糟....仲有唔少油流走哂....[ SIDE哂D野 ]

用 "正常" 的時間黎按摩，估唔到 FASIO 同 GOSH 咁強勁.....

再按多次 + 洗乾淨之後

乾淨哂!!! 點解之前話 "正常" 時間呢

因為 GOSH 同 FASIO 係出名好難落.....所以落呢2個 product 我通常都按耐d

但唔想為左佢地而特登拖長個落妝時間，就用返正常的時間就算

[按幾個字既話...實咩都落哂啦係咪]

隻手仔睇落覺唔覺好水潤呢, 紋理好整齊架

睇落好，係未夠架

點都要驗一驗佢

見到哈哈笑出現証明水油平衡!!

總結：

香味︰香，好relax的香，不過唔覺係綠茶，反而覺得似柚子味

潔力︰清潔度好好，其實再按耐d係可以清埋fasio同gosh的。我試過落眼唔"那"。洗完有好乾淨的感覺同好似白左少少少少

滋潤︰洗後唔乾，感覺偏潤，比較岩中至乾性皮膚使用，對於乾性皮膚的我，應該四季都用得

價錢︰HK$620/450ml ，即係 $1.377/ml ，價錢偏貴 [當然係因為佢的強效，所以貴少少]，用的時候有少少就住 [即係唔好起勢咁落]，就可以用得更耐，但其實以佢的效能係絕對用得過，而今次的配方仲冇令我起暗粒，我真係好開心呀

如果你唔係偏乾肌，都有其他的油岩你用架~ 你都落 Shu Uemura 睇下啦

有咁多款，總有一款岩你^^

[超多相] Shu Uemura Blogger Gathering @ Apm

係度好多謝 Beauty Talk 同埋 Shu Uemura 的邀請，可以出席佢地今次舉行的 Blogger gathering 同埋參與試用。另外，亦多謝 愛麗絲 幫我報名。

多謝完，就講返今次的活動。

Gathering 當晚係 apm 舉行，離遠已經見到一個採用開放式設計的新店，除左開放式之外，仲參照日本表參道總店的概念黎裝修架~~



老遠已經見到呢個

[整衰左添......d 水印]

向大會登記完之後，就羅少少點心食下先

之後比我見到另一位blogger，同呢位blogger都幾有緣

一路傾，一路周圍影

人山人海咁

冇幾耐，gathering 就開始啦

↑ 先有 Beauty Talk 的 Winnie 出黎作個簡介 [ Winnie 多謝你呀

]

↑ 然後有 Shu Uemura Marketing 的靚女 - Helen 出黎介紹潔顏油的用法

之後 ↓ 再有 Shu Uemura 的化妝師同埋靚鬼妹 model 示範新出的彩妝用品，期間的化妝 tips 真係好實用架~~~

想搽胭脂搽得瘦 - 要好似化妝師指示咁落係呢個位，用手指摸下顴骨最突出的位，對落有個凹位架~ 就係呢個凹位啦~

係呢個凹位開始掃，就會睇落瘦d架啦

化妝師仲示範痴假睫毛，原來 Shu Uemura 出左個夾黎幫手痴假毛，睇落都幾易用

化完啦~

好迷人

↑ 今次化妝示範的用品

kira kira !!

我梗係要把握機會同靚女model 影返張合照啦

[ 我的手臂是 model 隻手臂的1.5倍

我都想好似 model 咁瘦 ]

睇完示範，又再係呢間 apm 分店周圍影

所有 Shu Uemura 的系列整齊咁排哂出黎，如果可以拎哂佢地返屋企就好了

場內有 tokyo lash bar 同 試妝的地方，試妝話咁易啦~

咩都放哂出黎任你玩、任你試

山田優小姐代言的 uv base

一系列的唇膏及唇彩

化妝掃系列

卸妝油及海洋水系列

唔講可能都冇留意，層架的角度係特別整~ 因為呢個角度係會更加方便顧客拎黎睇、拎黎試

臨走，仲同 Shu Uemura 的 Helen 影合照添，我覺得佢個 feel 有d 丘凱敏

好有明星的feel

之前講到的好有緣 blogger 就係 Tinny 啦

後記︰本來對呢個日系品牌唔係太有認識，只係知佢地家的落妝油好出名，今次的 gathering 令我知道創辦呢個品牌的植村秀先生好鍾意玩顏色，所以我地見到佢地的唇膏...有好激的顏色..例如 : 藍色 [我就....真係接受唔到囉

] 當然，用於舞台上又唔同咁講法。

又會見到深層海洋水的樽身好似彩虹咁七彩，比我有齊 1 set 海洋水擺係屋企裝飾下，你話真係幾開心都有

Shu Uemura 睇黎真係睇得又打得，又會以客為本，照顧客人的需要，又真係好唔錯喎

走果時，當然有禮物包一份啦

欲知後事如何....梗係要睇埋下回分解