事不而遲，即刻去睇試用報告
今次的試用品係 - Pond’s Pore White Cleansing Oil 淨顏卸妝油
淺藍色的樽身配白色按壓頭，好似夏天藍天白雲的配搭，好 fresh
o即出黎，當然都係透明，不過比其他落妝油 "稀" 少少
zoom 埋去睇下先，唔識日文的我只係睇到呢d『毛穴之黑對策』『美肌』
不過都夠啦，對付黑頭、同時美肌、仲可以落埋妝，一物幾用喎。反轉支落妝油睇下先
包裝說明係 中日對照，太貼心了吧，岩哂我 哈日但又唔識日文的人
睇真d佢寫乜鬼先
有污油淨化因子 + 淨白保濕因子，仲有40%係肌膚調理的精華液
即係 落妝+潔面+美白+保濕...仲收毛孔
上面寫 『無刺激感』同 『柑橘香氛』，係咪真係香既呢
好啦，睇完介紹就開始落妝啦~
就用我某日的妝容啦，因為隻眼仔勁深色
又黑又紫又閃粉
MAC 新品 - Greasepaint Stick [Slick Black]、Pearlglide Intense Eye liner [Designer Purple] & [Black Line]
睫毛液 - Maybelline Magnum
唔知大家知唔知 MAC 的 greasepaint stick 係一支強勁的打底，搽左佢之後再上眼線，可以令條眼線更實色又更持久，用手指摔佢都唔甩架 (遲d會補返係MAC敗定的經過)
我先將落妝油o即落棉花，然後放上眼敷10秒.....................1, 2, 3, 4, 5, 6, 7, 8, 9, 10 (我同時有按下隻眼)
好啦，睇下先
咩都溶哂，好清楚見到 紫色黑色+閃粉的eye liner 啦 黃黃地的 bb cream 痕跡
直頭成隻眼部範圍都睇到咁
睇下隻眼乾淨未??
油淋淋真係唔好意思，不過............真係見到隻眼仔的 make up 溶哂，而閃粉粒都冇痴住隻眼
見唔見黑眼圈位黑哂呢
係溶左 起碼80%的睫毛液
不過，因為雙手已經油淋淋 & 雙眼朦朦地，就冇再影相啦
我再用返塊棉花，再摔多幾下，就清哂d睫毛液，見到眼仔都冇因為落妝油而紅哂眼症咁，証明呢隻落妝油真係唔刺激。
總結：
香味方面︰係有些微香，但聞唔出係 "柑橘"
潔力方面︰清潔度中上，落眼妝又唔會刺激到雙眼。清潔力好，自然黑頭都少d啦~ 不過係短短個多星期入面就未試到係咪可以美白
滋潤方面︰洗後唔會即時乾，感覺清爽，除左油性皮膚外，亦適合一般皮膚使用，不過對於乾性皮膚的我，在冬天時可能稍欠滋潤，但以春、夏及秋天黎講，呢支落妝油適合所有膚質
價錢方面︰HK$85.9/150ml ，以它的價錢 即係 $0.573/ml 黎講，絕對抵用!!!!
沒有留言:
發佈留言