我的歐洲蜜月日記 (二)

20/12/2010 DAY 2
到 Zermatt 停留一晚，原因是只想看看 "三角朱古力" 上的雪山 Matterhorn 馬特洪峰 !

就算要住貴一點都是值得的，因為房間的露台就可以望見 MATTERHORN 係前方!!! 不是要影相的話，絕對可以係房內享受住暖氣來欣賞!!


日出了，遠看這坐山應該會有點熟悉吧

很可惜天氣不太好，幸運的話，日出時整個馬特洪峰會變成金黃色, 現在只有頂部的微金, 有一點失望呢

吃過酒店的早餐便拖著行李出發乘火車了，今天目的地是 Interlaken，將會逗留三晚



上車了， Go go ~ 冰河列車 !

沿途看見不少飼養的牛, 黑白色兼長毛的

車箱內的路線圖

很大的聖誕老人


很多上山的瑞士火車都有齒軌設計, 防止列車抓不實路軌


轉車 @ VISP & SPIEZ，天氣很好呢，不過仍然好凍

車內的路線圖


又是 IC 車了，超舒適!


下車了，到達 Interlaken-west 站

Interlaken 街道上, 今天應該下了少許雨, 地面濕濕的

MIGROS 和 COOP 都是瑞士內的超市，旅遊書說 COOP 的售價會比 MIGROS 貴一點點


臨近聖誕，超市門外擺滿哂聖誕樹，忍不住要唱隻 "OH聖誕節，托它歸家..."

買汽水零食不要在汽水機買, 因為價錢太貴, 比超市貴三倍以上, 現在的瑞士法郎已升至 CHF 1 = HKD 8.7，你會用 $30 港幣買支 500ml 可樂嗎 ?

瑞士的超市很多時都會同時有熟食發售，價錢比上館子平多了，要省錢就得在超市找吃~~~

無聊的我在 COOP 裡跟廁紙合照，外國的包裝都是大包大包，還發現 TEMPO 有濕紙巾 [價錢都不便宜，特價還要四十多]，廁紙還有藍色的!!! 我都想香港有藍色的 TEMPO 廁紙啊!!



湖水都是綠色的，我想只有在外國在可以看到清澈的湖水/河水
日落後，隨便吃點東西又回去睡，準備明天一早上雪山 - JUNGFRAUJOCH 少女峰

[開箱文] 我家有隻紅企鵝 Nescafe Dolce Gusto

自從歐遊完返黎，老公就愛上左飲咖啡，皆因我地係酒店的時候，每朝都會食到酒店提供的豐富早餐，飲杯熱咖啡 / 朱古力，勁食乳酪同牛角包，所以係巴黎的 Nespresso shop 見到部咖啡機咁平 [有部 basic 機只係賣 1千蚊，同一款係香港好似要千七蚊一部]，老公直情話想托返香港，不過經我制止左佢，最後都冇買，因為我都係喜歡呢隻小企鵝。

本身自己都鍾意飲咖啡，對 latte 特別喜愛，因為我鍾意 latte有奶的幼滑當中帶有淡淡的咖啡香。平時去街，偶然都會去買杯 latte ，係街等人的時候就更鍾意去買咖啡，可以邊飲邊上網邊等。

返到公司，公司亦有 Nespresso 的咖啡機，所以養成飲咖啡的習慣。

雖 然 Nespresso 同 小企鵝 都係屬同一間母公司，但客層同產品就走唔同既路線。以鍾意飲 latte 的我 和 鍾意飲 Mocha 的老公，當然就係要買小企鵝，何必為左巴黎部 Nespresso 平而買呢，就係咁，我地返左香港冇耐，就係 City's super 帶左小企鵝返屋企 [售價好似 $1288，我地用 "最窮星期5"果張信用咭買，有回贈10%]

紅企鵝與 capsule [capsule : $60/盒，可沖 8杯，每杯都係 7.5，平過街買]

呢盒係跟機附送的咖啡

6 粒 capsule = 3 杯



Nescafe Dolce Gusto 火紅色

正面

3 7 面

背面

唔好睇佢 capsule 細細咁，入面有5層架

操作方法 :
1. 當放入膠囊，咖啡機內的刺針便會篤穿保鮮封蓋。水透過高壓 注入膠囊內。
2. 透過有穿孔的薄膜，水被注入囊內已烘焙的咖啡。
3. 膠囊內膠碟篤穿下的錫紙，然後將最適當的壓力釋出，咖啡的醇香精華便隨之注入杯中，等你品嚐!

一杯飲品要用 2粒，capsule 入面一個係牛奶，另一個係咖啡

同一 set 會寫同一個飲品名，但個底就會一個白色一個黑/啡色咁。
第一次開機，就沖杯 熱朱古力 先啦

步驟 :
1. 先入水落儲水箱
2. 開機，等綠色燈唔再閃
3. 向上拉開機頂的 "固定手柄" 及 拉出  "capsule盛載器"
4. 放入 capsule 後 放回機內，再按下機頂的 "固定手柄"
5. 放好你隻杯係咖啡機噴咀下面
6. 將機頂的 "選擇手柄" 向右邊撥，咖啡機就會啟動，到適合的份量果時，將 "選擇手柄 " 撥返去中間位置，機就會自己停
7. 之後換另一隻 capsule 黎調較自己鍾意的口味
固定手柄 = 印有 dolce gusto 的一個
選擇手柄 = 儲水箱對上的一個

先落 牛奶 capsule

再落朱古力 capsule

小企鵝最正就係佢沖出黎已經有奶泡，而 Nespresso 機要買高 grade model 先有打奶機 或者要另外買 打奶機~
較岩份量就完成架啦，好方便，係屋企幾時都飲得。
早排凍冰冰、得返十度八度的天氣底下，沖返杯熱朱古力嘆下，堅梳乾!!
我買的時候，仲送左隻隨行杯添

呢隻隨行杯有埋刻度，詳細教你調製完美比例的飲品

不過宜家香港暫時只得 5 款飲品 [ Lungo 濃黑咖啡、 Cappuccino意大利泡沫咖啡、 Latte Macchiato 奶泡咖啡、Chococino 朱古力、Mocha朱古力咖啡]。

我 honeymoon 果時係巴黎 search 過佢地有十幾款飲品，有凍有熱有花茶，連咖啡機都有好多款添架 ~~~ 可惜香港冇啦~~~~
希望香港代理快d引入其他飲品，等我可以多 d 選擇 ~~~

我的歐洲蜜月日記 (一)

闊別寫文生活三個月，人氣直線下降，我諗都應該冇咩人記得我囉

失左蹤的三個月好充實，因為我做左兩件大事，就係結婚同度蜜月!!!

點解會話度蜜月係大事呢，因為係小女子第一次衝出亞洲，去左歐洲度蜜月。

雖然歐遊時間唔長，不過都可以比大家作為小小參考 「如何平玩歐洲」呢個 topic 夠吸引吧? 哈哈，當然唔係真係好平，我亦冇玩哂成個歐洲，只係去左兩個國家，發現去歐洲玩，原來都可以平易近人。

結婚當晚後第 2 日，我地就準備我地既歐洲之旅，從未衝出亞洲既我，真係好興奮!!!

整個歐遊之旅全程自遊行，自己 book 機票、酒店、火車証，原來都好有滿足感!
蜜月行程一共 11 日，時間其實一啲都唔充裕，不過老公的地盤要趕工，11日...點都去左先算，但扣返搭飛機的時間，實情得 9 - 10 日。

今次我地會去兩個地方 - 瑞士 和 巴黎

第一站 - 瑞士

我地先飛去瑞士蘇黎世 ZURICH，今次選乘 阿聯酋 EMIRATES 的航班，唔好以為 EMIRATES 就唔好，其實真係又舒服又抵搭 [要係杜拜轉機]


每個坐位都有獨立電視，仲有埋 三腳插蘇 比你叉電，可能好多人聽到都驚呢D阿拉伯公司的飛機上面會有陣味，可以話你知.....我來回一共四程機都聞唔到，飛機又大又新!!! 圖中空姐仲會主動派公仔比小朋友~~
呢程機由香港飛往杜拜，大約要搭 9 小時，當然食飽飽先訓可以訓得 "林" D啦，係等空姐派餐之際，我就係個位度八卦一下，比我搵到一個貼紙

哈，又幾體貼喎，不過...班空姐們點樣先睇到呢

原來貼係張椅的頂部位置就掂架啦
之後比我發現左個 MENU ，即係睇下有咩食先

零晨先上機，當然唔會食咁 HEAVY 既野 ~ 所以都係 3文治 同 果汁
食過宵夜，我就訓教啦~ 大約訓左 5-6 個鐘，空姐們又再派餐，今次係食大餐啦
食完想再訓，不過真係好辛苦，屈住左6-7個鐘，又唔可以成日出出入入，對腳真係痺哂，好彩我唔係搭直航機，挨多個零兩個鐘就可以落地行下，直航要搭十幾個鐘 @_@

2個鐘之後就到達杜拜，真係好多人工島，機場一望無際


D屋好整齊，亦都見到佢地真係冇乜綠化，始終都係沙漠地方
係杜拜一落機，就可以即時去轉機，唔點洗等

今程由杜拜飛去蘇黎世，冇記錯要搭好似 5-6 個鐘，又係例牌上機食野


除左圓形果個飽好硬之外，其餘全部都好好食!!! 飛機餐有幾何好食，但佢又的確唔錯，抵讚!!
食完，睇完套戲又恰一陣

見到一大遍雪地呀!!!

飛機準備降落蘇黎世機場啦

大部分都係瑞航的飛機，不過直航比較辛苦同埋價錢比 EMIRATES 貴一倍!!! 我都係留返D錢黎買野好過
落機後就搭無人駕駛去離境大樓過關






↑ 蘇黎世機場

整個瑞士旅程，我地都會以 SWISS PASS 作交通費，要 ACTIVATE 個 SWISS PASS，就首先去到機場的火車櫃位，比佢蓋個日期印就得架啦

首先，我地會係機場搭火車去第一晚目的地 ZERMATT 策馬特
14:40 蘇黎世機場站的 4 號月台 搭 IC828，17:02 到達 VISP 站的6 或 7 號月台
再以 8 分鐘時間跑去 3 號月台 轉另一班 17:10 開出的 火車 R253 ，18:14分就會到第一晚的落腳地 ZERMATT !! 非常清楚，班次超準時!!

顯示板點樣睇呢?? 宜家教你~ 搵返自己搭果班車既時間
 14:40 IC 車 [INTERCITY 只停大站] 由 ZURICH HB 開出，途經 BERN, THUN, SPIEZ, VISP ，終點站為 BRIG

去到月台都會有指示牌既，右上角 SEKTOR 就代表 車卡，下面細細個 1 字代表係 頭等位，2 字就次等位，咁宜家即係表示 頭等位就係 車卡 B & C ，次等位就係 車卡 C & D，而中間呢個好似交叉咁既符號呢，其實就係刀叉黎既，代表餐車的位置。
大家可能會對 ZERMATT 呢個目的地好陌生，不過當地的地標你一定見過，就係瑞士三角朱古力上面的商標 - 馬特洪峰 MATTERHORN

呢程係我成個TRIP入面，最長途的一程，大家睇上面個 MAP 都知道真係幾遠下。
唔好理咁多啦~ 出發!

途經一個唔知咩火車站，超多火車軌。瑞士以火車為主要交通工具，我地張 SWISS PASS 就可以係指定日期內乘搭任何班次的火車。


沿途真係風光如畫，不過始終咁左咁耐飛機，身體已經好....好....好攰，影影下已經眼訓，去到 ZERMATT 個天已經黑哂!!
ZERMATT 係海拔 1620公尺的 MATTERHORN 山上面，係一個環保小鎮，環保到小鎮入面係冇電油車，只有馬車和電動車，絕對唔會有空氣污染。
放低左行李就出去搵野食，超凍呀，我包到成隻稯咁



本身係 ZURICH 的氣溫都仲有 5 - 6 度，宜家上到黎 ZERMATT 得返 - 5 、-6度，以我呢D係香港生活慣的人，一時間凍左咁多度，真係好唔慣，凍到我呆左! 又凍又餓真係好辛苦呀~
好彩比我地搵到間 PIZZA 店未關門，唔理三七廿一，衝入去~~~~

點左個 HAWAII PIZZA 2條友食 ~ 好似 15蚊瑞士法朗 ，約 120-130港紙
PIZZA店入面有暖氣，個人即時醒返少少

店主整好 PIZZA 之後，我地就飛奔返酒店，冇錯，我冇形容錯，的確我地係拎住個PIZZA跑返去，因為我地驚個 PIZZA 係零下的低溫變左凍餅，所以就跑返去。
我地返到酒店，係溫暖的房間入面食住一個溫暖的PIZZA，真係舒服哂。食完，拿拿臨沖涼訓覺，因為我地聽朝要一早起身等日出!