平靚正的越南食品 - 芽莊城

好少寫食評，因為獻醜不如藏拙。今次寫係因為老闆娘實在太好，點可以唔幫佢宣傳下呢~~


鋪頭係深水埗北河街街市2樓的熟食中心入面，潔癖者就可以唔洗睇，始終熟食中心的環境都唔會乾淨得過餐廳，你話係咪先?


唔怕既話，請繼續 ，佢地的食物好多都係即叫即做，所以可能會耐少少~~

呢碗係 - 香茅豬扒米線

老闆自家制蝦餅

風沙雞翼

青檸梳打

香茅豬扒米線 - 豬扒好軟滑，湯底好味
自家制蝦餅 - 口感軟淋淋、比較鬆軟，唔同一般實的的蝦餅 ，始終自己打蝦膠係唔同D
風沙雞翼 - 香脆滑仲唔油膩
青檸梳打 - 梳打水成罐比你，其實即係成1.5杯 !


其實佢地仲有越南滴滴咖啡都好出名，不過我幾次去都係去食晚飯，就冇試到，但老闆娘送過杯佢地出品既3合1咖啡粉比我返去沖，我第朝返工沖黎飲，真係堅正，通常麥豬威耳3合1咖啡沖出黎都唔滑，所以我都諗住呢杯越南咖啡都係咁，點知係滑到好似係茶餐廳飲咁滑，但當然香味香過茶餐廳好多，你地去到都真係要試下~~~~
係OPENRICE 打"芽莊城" 就會搵到佢地的資料，但人總係比較懶，所以我貼埋條LINK係前面，按落去就得架啦~