護膚如此多"薰" - 5星級享受

相信各位女孩子唔多唔少都會鍾意一d帶有少少香氣的護膚品，我自己都唔例外。

當然，太濃味的會太刺激，最好就係濃淡得宜，就最討人歡心

係搽緊或者按摩緊的同時有埋少少香氣的話，仲可以令自己的心情放鬆添

要揀就當然揀有品質，Aroma Vera 進軍美國的香薰市場已經接近30年，係一間擁有全套系列既香薰產品供應商， Aroma Vera 所有既香薰產品都係純正天然，主要供應佢地既產品比 5星級酒店 spa 使用 [據負責人講其中一間係 MGM ] 

5星級酒店都係用佢地既產品，都唔會差得去邊，就等我會一會佢地啦

今篇就先介紹以下3種產品先

以上呢支係多功能玫瑰花水，可以擺係公司得閒噴下，補妝前又噴下，覺得頭髮乾旱又可以噴頭髮 [有風吹過都有陣玫瑰味]，再唔係可以用黎溝面膜粉黎敷添~~

而我呢，就直情當佢係爽膚水咁洗完面用，我覺得咁樣可以更保濕

香味方面，好清新，唔會聞落覺得好假好濃

呢個 Aroma Vera 玫瑰油選用最珍貴既保加利亞玫瑰黎提煉，剩係呢樣都覺得夠誠意~

成份方面大家可以估到有 JOJOBA OIL, VITAMIN E 同埋唔少得既玫瑰啦

玫瑰本身就有美白、抗皺同保濕既功效，加埋 JOJOBA OIL 同 VITAMIN E 就更加滋潤

好老實咁講，我一見到OIL呢個字都呆一呆，心諗會唔會好似我煮飯果D油咁...油淋淋架，當時真係驚架

不過，當我返去搽左上去之後，真係對 OIL 呢個字改觀，當時 Aroma Vera 負責人話只要隻油好，就好易吸收，我真係半信半疑，係真唔係架? 油喎................果然真係要試左上去先信!!

上圖見到支 FACIAL OIL 係 走珠裝，我都好驚會好似止汗劑咁會流好多出黎，事實証明我既擔心係太多餘。

碌一下，真係好少量 [左下角圖]，推兩推就變左 [右上角圖] 唔反光，即係冇乜油剩，原來真係會吸收哂，只係剩低皮膚的光澤

我就好放心咁係塊面度係咁碌......另外，碌少少上手度，摔慶佢再以手心既溫度"掩"住塊面....大約5秒

係呢幾秒間，順便呼吸一下充滿玫瑰味香氣......幾秒後放手，就發現面上既皮膚好滋潤，完全唔覺自己搽既係"油"。

宜家既天氣咁鬼熱，屋企開冷氣，搭車返工又係冷氣巴，返到公司唔洗講仲有埋中央冷氣，放工又係搭冷氣巴，返到屋企又開冷氣.....................全部都係會抽乾我地塊面既冷氣，所以滋潤少少我都唔怕，我搽完上面支玫瑰花水之後搽呢個玫瑰油當 essence 再上多一層 cream 添，第朝起身既時候塊面冇特別出油又唔會覺得乾，真係對油呢樣野完完全全改觀。

除左搽係面上作為 essence 之外，仲可以搽係脈搏位當香水用，自制自然體香 

呢支美腿油呢含有一個特別少少既成份 : 薑根

冬天飲薑茶之類既食品黎暖胃，原來亦都可以加落去按摩油入面，好多女孩子都會有少少手腳偏凍既情況出現，我自己都係，冬天對腳好似雪條咁，訓極對腳都硬係覺得凍凍地咁，好多人話呢d叫血氣唔夠

身體方面，就話飲薑茶之類姐，腳又點飲呢

原來呢支按摩油就係可以改善呢個情況，係按摩雙腳黎去水腫同埋滋潤既同時可以令雙腳冇咁凍，暖暖地咁好舒服，成日要企呀、行街行到腳痛既女仔就好岩用啦

話說我上星期6同日連續做左兩日妹仔，搞到星期一雙手雙腳勁痛仲返唔到工，按摩左2晚之後真係好返好多啦，男人老狗就話搽按摩膏姐，我就覺得按摩膏陣味麻麻，好彩有呢支油幫我~ 1支油就可以包哂滋潤、去水腫同加強血液循環，body lotion 都可以暫且抖抖