另外，更要多謝呢度既某一位 blogger，原因係佢可能因某些事而決定reject今次既活動，我先有呢個後補既機會。
今次的function，老實講真係失望多於希望
仲記得係今個月12日[星期一] 收到Dr. Renew的電話約做 treatment，之後我就問 "星期3, 6點45分有冇位?"
對方叫我等等，轉頭話" 6:45 冇問題呀~ 到時treatment前一日會再有同事confirm你架啦"
我自己就諗住係同星期既星期3 [即14日]，到星期2仲未見有 Dr. Renew 同事打黎 confirm 都有一絲擔心，不過諗住我地一班 blogger 都幾十人再加上人地公司本身的客人，唔記得打黎confirm都應該體諒一下人掛，就冇打去問
到星期3 [14日] ，忙完一輪到下午 3-4點 最終忍唔住打去Dr. Renew，對方話: 幫你約左21日
呆了一呆，但見大家都冇講明係幾多號，唔可以賴人地，自己都有d責任，就講左句唔該就收線
到療程當日，Dr. Renew 有同事打黎問我會唔會想轉去佐敦做，當然開心啦，我住新界區嘛，到達後
顧問就請左我入房
請我填個人資料同問卷，之後就叫我交相機比佢，由佢去影相
影完返黎我都只係填左個人資料，顧問語氣好忙咁話唔使填問卷，係底下簽名就得，仲話有d房未影得住，做完療程先再影，顧問就問我做facial定
body，我答左 body，佢再話 "都係肚仔or大脾果d架啦?"，答左係之交返相機比我，我睇完其他 blogger
既文章先知原來係可以做2次 treatment，我見顧問冇提過，唯有自己開口問，顧問答我 : 有d treatment
係可以3-4日做一次，有d就一星期只可以做一次咁，今日都21號，唔夠時間幫你做多次。顧問就出左房。
等左一陣，有位美容師黎到就帶我去房間
往房間的一段路
房間比較細少，入面冇任何儀器，美容師比左一件即棄 tube dress 我換，再帶我去磅重，磅的隔離放住幾部儀器，不過唔可以影，磅完就發現自己肥得好緊要
真係唔好再話我唔肥啦
超哂標!!!!!!!!!! 你地一定好驚訝呢
我都知自己嚴重水腫架啦
磅完之後返房，美容師幫我度身，度完就訓低，come 好被之後，美容師話出去推部機入黎，由於我訓係度既關係，完全睇唔到係咩機，美容師終於講︰今日會幫你個肚仔做個爆脂療程，會先軟化脂肪，然後再做爆脂。宜家幫你搽d 軟化脂肪的 gel 先，留意會有少少凍
終於都知道做咩療程!! 美容師幫我影低療程前既相先再開始做 treatment，期間美容師話我個胃好脹，問我係咪食野好快 or 消化唔係咁好。
軟化脂肪呢part好舒服，冇咩特別感覺，之後再做爆脂，少少痛，好似比針拮拮下咁，同埋會聽到d好嘈 "do
do"既聲，期間美容師都有問會唔會唔舒服之類，做完一邊之後摸下，係真係軟左好多，心諗應該都有0.5cm成績掛，就帶點安慰做埋另一邊，到做完再幫我
影事後相~ 抹乾淨d gel 後，就再度身!
度身果下真係好 surprise
本身量左肚臍上2cm、肚臍位同肚臍對落2cm，竟然.....同之前個數一樣，有一個位仲要肥左，果下我真係灰
到......................................................................去
左谷底了，都冇心機去影個數字
大家都見到做完之後紅哂，美容師話係正常，叫我唔使擔心、同埋因為宜家紅哂有少少腫關係先會好似冇改善咁
睇相又好似真係瘦左少少少少
之後，美容師就示意療程完成，可以換衫，之後再去顧問房，顧問返黎解釋左幾句有關爆脂療程既原理。
一般既溶脂都只係將脂肪縮少，當我地再食d肥膩野，脂肪細胞就會回復之前既大小，即係反彈。
而爆脂就係用聲波將脂肪細胞打散，再隨體內的循環而帶出體外，就可以避免體重反彈。
顧問之後提我飲多d水、2個鐘內唔好食野同埋返屋企可以著束褲之類黎幫助一下塑形，大約5分鐘之後就結束今次療程。
大家睇完咁多字，明白到我失望既原因嗎?
睇返其他 blogger 做爆脂都有做收緊塑形，但唔知點解冇幫我做，可能係因為我太肥，做左都冇意思所以慳返。
一路以為，呢d 試做既treatment，都只會比你試做一次，唔睇 blogger 既文都唔知可以做多過一次。
最初填form既時候，只係填左個人資料，其他咩都冇填，顧問就話唔洗填 [真係咁忙?! 可能係，顧問冇話佢好忙，所以唔可以招呼我/詳盡解釋]，亦冇問過我飲食習慣之類既問題黎幫我選擇 treatment，咁樣單憑肉眼推斷而進行的療程真係有用?
夢想?! 仲好遠
沒有留言:
發佈留言