唔係轉角遇到愛，係 Laser 遇到碳!!!!!!!!!!!

好多謝 theZtyle 同 詩琳美容集團 抽中今次 『微量碳元素激光療程』

現時最有效改善黑頭及深層淨化技術，將碳粉精華mask滲入毛孔之後, 再用1064 (nm)波長的laser光將碳粉爆破，係碳粉爆破既同時, 毛孔深層的油脂同粉刺都會一齊帶走，對暗粒、粉刺同暗瘡都好有效。



今次去既詩琳分店位於屯門市廣場，對於住屯門既我黎講，真係非常方便。因為我大頭蝦關係，唔記得幫相機叉電，搞到一開機就發現電量位著紅燈!!!
所以就冇影到店舖既環境啦~
留返僅存既電量黎自拍療程前既相，影完2張之後，d電就冇哂......................................



唯有，係度講少少環境吧，雖然地方不大，但都好整齊清潔，有時都唔一定要有高級裝修，我反而覺得最緊要係整齊同埋清潔，唔好亂糟糟同鋪哂塵。呢間分店係呢2點都做得唔錯~

好啦，講返個療程先

療程程序︰

1. 落妝 / 清潔面部

2. peeling [敷 peeling 期間幫我修眉]

3. 清潔後，用專用膠布封好眼眉同眼部位置

4. 搽上黑色的碳mask

5. 用 1064 波長 laser 打面

6. 美容師話打面後，粉刺酒米黑頭等會浮出黎，就梗係針清埋佢

7. 倒模

8. 搽返面霜

美容師 Nicole 都幾好傾，療程期間都冇 sell 野，每個 step 都有講解，亦有話比你知佢搽緊d咩黎落你塊面度咁樣，比到客人放心既感覺。

laser 打面就唔痛，只係聞到少少燶味同聽到 "啪啪啪啪啪啪啪啪啪啪啪啪啪啪" 聲音，呢d聲音就係laser遇到碳再爆破時既聲音，開頭幾下都有d驚驚地，幾下過後就冇再驚啦，成個療程大約個半鐘。

一齊睇黎下個效果先

因為我係絕少去美容院，自己又唔識針清，所以好多暗粒、黑頭酒米等等

療程前既相都睇到面部位置凹凹凸凸，做完之後平滑左好多不得止，塊面仲瘦左少少少，因為打laser既時候都會有少少提昇~~

呢張搞笑成份較多

不過都睇到面珠位真係平滑左

整體感覺︰

1. 環境整齊舒服

2. 美容師唔會一路做一路sell

3. 過程清楚細心

4. 效果都算突出

滿意度︰85 !

扣分位係價錢，做一次要 $1680，都真係幾貴，另外針清果度只係清左最嚴重果d而唔係全部幫你清~