輕易而有效的去水腫方法 - Kilo Off 24

話說今次係我第2次試用 KILO OFF 的產品，有上一次試飲KILO OFF的經驗，對於 KILO OFF 的產品好有信心，所以見到 HKCOSMO 搞的試用活動，就即時參加，亦真係抽中我，多謝HKCOSMO。

睇返上一次試飲KILO OFF的時候，差唔多係9個月前的事

可以去返以下呢度睇 :

Kilo Off 卡路離瘦身果汁沖劑 20日瘦身之旅 Part 1

Kilo Off 卡路離瘦身果汁沖劑 20日瘦身之旅 Part 2

當時成功減去6磅同埋為食的心癮，好可惜9個月之後的我，又重回餐肉腸仔的懷抱 [ 完成結婚大作戰之後，成個人放鬆哂，連胃口都係，直情係放肆 ]，可想而知….減去的6磅當然又再跟住我，真係好灰

 今次抽中左 KILO OFF 24，係時候抑制一下自己了。

收到的時候，見到盒面已經寫住 “24小時keep 住瘦” 同埋 “日夜不停燃燒脂肪”

睇落已經好開心，訓住可以瘦喎，簡直就係夢想!

盒邊寫左 KILO OFF 24 的功效 :

燃燒脂肪 : 綠茶及胡椒萃取加速新陳代謝，有助燃燒脂肪減輕體重

收腰消腩 : 茴香萃取有助消化系統運作、對減肥及排水有明顯的幫助

去水排毒 : 綠茶及茴香萃取有效幫助身體去水排毒

幫助消化 : 胡荽 [即係芫荽] 可刺激並幫助消化

 盒上面亦清楚寫上營養資料，冇反式脂肪，每粒KILO OFF 24 都只係1kcal ...等等。

而服用方法亦都清楚寫明，早餐和晚餐前各食2粒，一盒 等於 一個療程，整個療程為15天。

$188盒，一盒有60粒的 KILO OFF 24，SIZE同普通消炎藥差唔多

試用報告︰

試用左10日之後磅過，只係輕微地瘦左1磅 [ 冇特別地戒口 ]，不過最明顯係佢的去水功能，食左 KILO OFF 24 之後，係完全冇覺得唔舒服/肚痛的情況底下，大小便的份量同埋次數明顯比之前的多，好似將以前積存係身體入面的水份迫出黎咁，大便亦改善到每日一次 [之前唔係日日都有，好唔健康]，而每朝起身照鏡的時候，亦覺得塊面冇咁水腫[不過唔係好明顯，所以冇影相黎做比較]。

整體黎講好滿意，如果夾埋 KILO OFF 一齊減，效果一定更好，因為 KILO OFF 可以有飽腹感而 KILO OFF 24 就可以排水~