皮膚都需要維他命 - YUMEI 紅石榴維他命抗氧化精華

今次係我第一次抽中卓悅的試用品，好高興兼好 lucky，希望呢個 lucky 可以延續落去，係度真係要多謝 卓悅 Facebook Fan page 。

 

今次要試用的產品就係 YUMEI 新出的 紅石榴維他命修護系列入面的 抗氧化精華 Anti-oxidizing Essence.

好老實，我都係第一次用 YUMEI 的產品，因為 YUMEI 唔多廣告，不過每次行入卓悅都總會見到 YUMEI 的產品，雖然自己未用過，但都聽聞過佢地支睫毛精華唔錯，可惜自己太大頭蝦的關係，好多時連眼霜都唔記得搽，又點會記得搽睫毛精華呢
不過今次終於有機會試到 YUMEI 的產品真係太好啦。

YUMEI 研白逆轉新肌 - 紅石榴維他命抗氧化精華 : 使肌膚營養充沛，柔滑富彈性

 

由天然石榴萃取的石榴提取物，是一種高效抗氧化成份，保護肌膚免受自由基耗損，維持青春。透明質酸、甜菜鹼及蘆薈提取物與其完美結合，能令肌膚水潤絲滑。此外，本產品還包含多不勝數的嫩肌元素，包括來自金盞花、黃春菊與矢車菊等的天然植物複合提取物；維他命B3、B5、E及海洋骨膠原等。它們皆是令肌膚細膩彈滑的高效修護成份。

獨特成份
1. 維他命B3：徹底亮白，加速肌膚重生，增進其健康。
2. 維他命B5：高效補濕，鎮靜且幫助受創肌膚復原。
3. 維他命E 醋酸酯：具絕佳的潤澤和抗氧化效果。
4. 海洋骨膠原：抵抗衰老，撫平皺紋。
5. 複合植物提取物（ENNACOMPLEX 262）：抗炎防敏，深層嫩膚，鎮靜呵護。

拎左試用品之後，才知 YUMEI 係 日本牌子，很大鄉里的說。 40ML 本身要13000YEN，就咁兌港紙要近$1200，卓悅就賣$435

神奈川縣橫濱市製造 [ 可能有人會話宜家日本地震又有核幅射問題，驚日本造的化妝/護膚品有影響，始終唔係最危險的幾個縣入面，在我黎講，我唔多擔心，因為製造化妝品呢D，全部都係個廠房入面，同埋都係機械式咁去做，又唔係露天做O既，都好難接觸到幅射]

未開盒之前，白紙盒比我的感覺都係一般，個人覺得紙盒那種反光的感覺不討好。

但開盒後，見到橙紅色玻璃樽身之後，又覺得有點實在

精華採用按壓式PUMP裝，非常喜歡! 因為方便嘛，感覺上衛生點

糊華的質地水水的，微微奶白色和帶有花香

在手上抹開後，延續性高，也容易被吸收。雖然近排濕度不低，但乾性皮膚加上年紀不輕的我 [好彩唔算係好敏感肌，只係面珠粒有少少泛紅] ，皮膚需要大量養份和抗氧化，所以係洗面後搽上化妝水，然後搽呢個紅石榴精華，再搽保濕 CREAM。天氣比較乾的日子，我就會先唧精華係手，在手心摔到精華變暖之後再慢慢拍上面，搽好之後再用2隻手按住整個面，用手的熱力迫D精華和營養入去。

第一次將精華唧落手度試的時候，覺得補濕度唔錯，不過精華的味道似乎太香，但唧落手度再放上面就好D，一邊按摩一邊可以聞到花香味。

 

試用報告 : 

試用左11日，係洗面、化妝水同面霜都冇轉其他牌子的情況底下，覺得皮膚有少少比起之前有少少唔同。比之前有彈性左同滑左 [ 洗面果時真係 FEEL 到滑的程度拍得住岩岩做完磨砂咁 ]，面珠紅卜卜位置淡左少少~

美白方面呢，暫時都仲未 FEEL 到有白左，我相信所有美白的產品都唔會係即時見效，都需要一段比較長的時間先會睇到係咪真係白左，不過皮膚軟滑左已經好開心啦~ 我會KEEP住用，希望皮膚可以越黎越好，更加健康~~ 最後再一次要多謝卓悅